Sungat adamsy

 Sungat adamsy.

Aýdymçy men käte -käte hiňlenip,

Öz ýanymdan aýdym aýdýaryn joşup. 

Gowy aýdym aýdyp bilmesemde men, 

Gowy aýdymlara aşyk men aşyk.

Ýazyjy men käte çaýyň başynda,

Bolan wakalary ýazýan oýlanyp.

Entek eser ýazyp bilmesemde men,

Garaz ýazjak bolýan her ýan aýlanyp.

Suratkeş men galam alyp elime,

Gözel ülkämiziň suratyn çekýän.

Garaz gol gowşuryp oturmaýarys, 

Halal zähmet çekip halal der dökýän.

Men sungat adamsy.

Şonuň üçin men,

Ile ukybymy görkezip bilsem.

Bu dünýäň baýlygy gerek däl maňa,

Halkyma özümi söýdirip bilsem.

Gerçeknazar Amannazarow