Eňip giderin

 Eňip giderin

Zaman anyk ,möhsim anyk ,ýer anyk.

Gitmeli ýerime eňip giderin 

Diňe imanymy ýanyma alyp 

Dünýäni duýdansyz zyňyp giderin

Kalbymdaky mukam diňmejek ýaly 

Gezip ýöris göýä ölmejek ýaly 

Misli ýaz ýagşy deý ýagsamda häli 

Damjalap-damjalap diňip giderin

Ýaşaýan ,ýaşaryn Alla bil baglap 

Alla bil bagladym gezmerin aglap 

Dünýälik diýmerin bagrymy daglap 

Edeniňe şükür diýip giderin

Gerçek goşgy ýazdy ýene bir ýaprak 

Neýläýin ýaz diýip gyýylsa kükrek 

Kökim gan damarym arassa toprak 

Ýene şol topraga siňip giderin

Gerçeknazar Amannazarow